Molden

Desse flotte 1118 høgdemeterane kan bli nådd både frå fjorden i Marifjøra eller frå Krossen på 500 høgdemeter. Er du ein morgonfugl kan du få med deg soloppgangen frå Molden over Jotunheimen klokka 04.00, før du enkelt rekk frukost her på Walaker Hotell hjå oss!

Frå parkeringsplasen på Krossen, vil ein finna kvar stien byrjar. Halveges kjem ein til Svarthiller, som er ein gamal støl. Frå Svarthiller har ein eit flott utsyn til Urnes på andre sida av fjorden, samt utover fjorden.

Frå Svarthiller svingar stien 90 grader og går i bratt slyng forbi bratte hamrar. Deretter flatar terrenget ut og det er rimeleg lett fram til toppenvarden på Molden, 1118 meter over havet. Her har du heile 360 graders utsikt over det aller meste av Luster om omkringliggjande kommunar.

Normal tid, ca. 2,5-3 timar.

Foto med logo: Trude Sangolt / @turertur