Desse romma, er dei største historiske romma på hotellet. Dei er innreia med tidsriktige møblar og tapet, og tilbyr imponerande utsikt over Sognefjorden og rosehagen.

Walaker Hotell sine mindre, men likevel eksklusive rom byr på ei unik oppleving. Her møtest moderne komfort og klassisk eleganse, og kvart rom har sitt eige private uteområde for avslappande stunder.

Walaker Hotell har sju Superior rom i Hagefløyen. Kvart rom har dobbeltseng
som kan splittast til to enkeltsenger ved behov. Her har ein sitjegruppe både inne og ute med utsikt over hagen og fjorden.

Plassert i den idylliske Hagefløyen, byr desse nyrenoverte (2025) romma på romsleg eleganse, eineståande fjordutsikt og ein privat terrasse. – Perfekt for avslapping i naturskjønne omgjevnader.

Rom 50 er vårt einaste historiske twin-rom, med to enkeltsenger. Rommet er i andre etasje i Tingstova og har trappetilkomst. Her har ein utsyn oppover dalen og ned mot tunet.

Det er åtte rom i kategorien historiske dobbeltrom. Romma er fordelt på to bygningar, fem i Hovudhuset og tre i Tingstova. Romma er ulike og er innreia med tidsriktige møblar og tapet.