Galleri Walaker 300
Eit mangfald av kunst- og kulturformidling
Galleri Walaker 300 er hotellets kunstgalleri, etablert i 1990 for å markere familien Nitter Walaker sitt 300-årsjubileum på Walaker Hotell. Galleriet held til i den gamle fjøsbygningen frå 1883, som vart bygd med materialar frå den gamle kyrkja i Solvorn frå 1600-talet. Ein kan framleis sjå spor etter kyrkjedekoren i galleriet.
I galleriet finn du utstillingar av både lokale og nasjonale kunstnarar. Tidlegare utstillingar har presentert verk av bl.a. Rolf nerli, Nico Widerberg, Magne V. Kristiansen, Astrid Grue, Tina Tobiassen, Kristian Finborud, Ørnulf Opdahl m.m. Sjå alle her.
Galleriet er opent for hotellets gjester, kvar kveld etter middag.
Lokaler i galleriet:
Smalahuset
Smalahuset, det gamle sauefjøset, finn du i fyrste etasje. Smalahuset er rustikt, med tømmerbjelkar og skifergolv, og vert brukt til utstilling av kunst så vel som selskapslokale. Rommet har to langbord og har plass til maks 36 personar.
Møkakjellaren
Den gamle møkakjellaren vert gjerne brukt til kakebuffet eller intimt dansegolv i festlege lag.
Høyloftet
I tredje etasje er høyloftet, den gamle låven for høy- og kornlagring. Rommet vert brukt som møterom og utstillingslokale for bilder og skulpturar.
